Ustozi avvalXulq va odob35 satrKitobda: 36-40-betMutaxassis hali tekshirmaganLotinchaA−A+Satrga bosing: lotincha oʻqilishi chiqadi. Ovoz yozuvlari hali yoʻq.⌄Asl sahifa: 36-bet‹›1خلق و آداب2ادب نینگ اعلاسی خوش خلق لیک بولماق .3بی ادب کیشی اولوغ بولماس ؛4یخشی سوزگا راحت یمان سوزگا محنت ؛5کیشی نینگ حرمتی نیمه بیله آرتور ؟6خوش فعل لیک بیله .7یخشی باله آدابلیک و تواضع لیک و شیرین سوزلیک و خوش فعل بولور8اوزیدین کته لارنی عزّت قیلیب کیچیک لارگا شفقت قیلیب هرکیم نی شیرین سوز و یخشی خدمت برله خرسند قیلور9اتا و انالاریغه قرشی توروب سوزلاماس10چاقیرسه لار لبیک دیب حاضر بولوب بویورگان ایشلارینی خوب دیب توختاماسدین قیلور11اتا و انا بویورگان ایشلارینی قیلماقدین ایرنیوب سوست لیک قیلوب الارنی رنجیتماس12یخشی باله نینگ طبعی تازه و اوزی آزاده بولور13لباسلارینی یوز و قول لارینی کیر و افلاس قیلماس14یخشی باله بامداد نمازیغه توریب نماز دین سونگره چای تیار بولگونچه اوقوگان سبقلارینی تکرار قیلوب تورار15چای ایچگاندین سونگره تینچلیک و آدابلیک برله کتاب لارین آلوب مکتب گا جونار16یولده هیچکیم برله اوروشماسدین و اوینا شماسدین توغری مکتب گا بارور ؛17یخشی باله کتاب و دفترلارینی کیر قیلماس و الارنینگ چیتیغه هرخیل خطلارنی بیتماس و یرتماس18اویدا یورگان وقتی ده تینچ لیک و خوش فعل لیک ایله یورار19آز نرسه نی تلاشوب اورتاغلاری برله اوروشماس20هرکیم نینگ آلدیده تعظیم و آداب برله اوتورار21و هرکیم نینگ سوزیغه قوشولیب سوزلاماس22اوزیدین سورالگان سوزگا آداب برله قراب توروب جواب بیرور23یخشی باله هرکیم نینگ آلدیده هرخیل سوزلارنی سوزلاماس24آدم لار اوتورگان جایده یانباشلاب25یومالانوب یاتماس و براونینگ سوزیغه قوشولماس26بر آدم براوگا آهسته گفوریب تورگانده یقین لاریغه بارماس بلکه قاچوبراق تورار27یمان آدم لار برلا بولماس28و الارنینگ قیلادورگان ایشلارین یمان کوروب یخشی آدم لارنینگ فعل لارین اورگانماقنی هوس قیلور29و یورگان یولیده طعام ییماس30یخشی باله مکتب گا کیلگانده هیچکیم برله اوروشماس31اویناشماسدین اوز جاییغه اوتوروب سبقلارین تکرار قیلیب داملانینگ ایتگان سوزلارینی ایشیتوب تورار32هر خیل بیهوده خطتی یازیب چیزیب اویناب اوتورماس33داملانینگ بویورگان خط لارینی بیتوب بیتگان خطینی اوزی اوقوب کوروب غلطی بولسه توزاتوب تورار34هروقت شریک لاریدین یخشی و کوب بیلماکنی هوس قیلیب سعی و حرکت قیلور35شریک لارینی خطینی کوروب اندین یخشی بیتماکنی هوس قیلورOldingiTargʻiban lil-ilmKeyingiYomon bola