Guliston bit-turkiyحکایت4-hikoyat: Qaroqchi bola va vazir80 satrKitobda: 12a-15a-varaqMutaxassis hali tekshirmaganLotinchaA−A+Satrga bosing: lotincha oʻqilishi chiqadi. Ovoz yozuvlari hali yoʻq.⌄Asl sahifa: 12a-varaq‹›1حکایت2بیر نیجا حرامی لار تاغ باشیندا ییر ایتیب اوتورور ایردی لار3سلطانغا ایتی لار فلان تاغ باشیندا حرامی لار بار4کیجکان کاروانینی اوروب یول کیسیب اوتورورلار5سلطان بیر نیجا بهادر ارنلارنی ییبریب ایدی کیم الارنی توتوب کیتورکای لار6اول ارنلار کیلیب بیر ییردا کیزلاندی لار7اول حرامی لار مغربدان سونکرا کیلیب قافله اوروب مال و نعمت کیتوردی لار8سلاحلارین شیشیب یاتی لار9اول ایرانلار وقت سقلاب فرصتنی غنیمت کوروب جیقتی لار10بولارنینک سر وقتینا کیلیب باستی لار11ایل لارین باغلاب سلطان خدمتینا کیتوردی لار12سلطان بویوردی کیم برجاسین اولدورونک تیب13بولارنینک ایجیندا بیر اوغلان بار ایدی14کیم عمرینینک بستانی یاشاریب حسنی کلی یانکلا آجیلیب تورور ایدی15وزیرلاردن بیری ایلکاری کیلیب سلطانغا ییر اوبوب ایتی16بو اوغلان عمری باغیندان ییمیش ییمیشی یوق ترور17جهان سلطانی اوز کرمیندان یازوقین بغیشلاب آزاد قیلسا نی بولغای ایدی18بو سوز سلطانغا خوش کیلمادی19یوزین بیر یانی جیقروب ایتی20شعر21تربیت غیر اهلنا قیلماق22کنبد اوستوندا قوز قویماق تور23اولتور انی کیم اول بوزوق دایم24صنعتی کیم یولوقسا سویماق تور25ایتی بو فساد اهلی نینک نسلی منقطع بولسا کرک26یوقسا اوت سوندوروب کوز قویماق ییلان اولتوروب بلاسین بسلاماک عاقل لار ایشی دکول27شعر28اکر یغسا بولوتدان اب حیوان29یقین بیل تال اغاجیندا ییمیش یوق30یمان بیرلا عمرنی ضایع ایتما31قوری نیدن کیشی شکر ییمیش یوق32وزیر بو سوزنی ایشتیب طوعا و کرها سلطان نینک حسن راین بکانیب تحسین لار اوقودی33دغی ایتی جهان سلطانی بویروقی عین حقیقت تورور34بو اوغلان اول یوزلار اراسیندا قوبسا انلاردن بیری بولغای ایدی35اما امید بار کیم ایکولار صحبتیندا تربیت تابسا عاقل لار فعلین توتقای36انینک اوجون کیم حالی طفل اوغلان درور قابل تربیت درور37صورتیندا یاوزلوق علامتی یوق تورور38قال النبی صلی الله علیه وسلم ما من مولود الا یولد علی الفطرة ثم ابواه یهودانه وینصرانه ویمجسانه39یعنی هیج اوغلان توغماس الا اول توغر کونیلیک اوستونا40سونکرا انی اتاسی اناسی یهودی دغی نصرانی دغی مجوسی قیلورلار41شعر42لوط نینک اودشی یوزلارغا43اویغان اوجون جهنما کیتی44ایکولرنینک سونکینجا منکلا45یوروب اصحاب کهف ایتی ییتی46بو سوزنی وزیردان سلطان ندیم لاری ایشتیب وزیر بیلان بیر بولوب سلطانغا مدح و دعا قیلدی لار47سلطان اول اوغلاننینک یازوقین بغیشلاب ازاد قیلدیم دیدی ولکن مصلحت کورمدی48شعر49رستم کا اتاسی زال بیر کون50ایتی کیل ایشیت اوکون کونیسین51غافل یوروبان اوسال بولما52دشمنی کوروب حقیر و مسکین53فی الجملة بو اوغلانی ناز و نعمت بیلان بسلادی لار54بیر معلمکا بیردی لار کیم مونکا علم و آداب و حسن خطاب و خدمت ملوک اوکرانکای55بو اوغلان اول غایتکا ییتی کیم بیکلار بکانیب اعزاز و اکرام قیلور ایدیلار56بیر کون سلطان خدمتینا اول وزیر کیلیب بو اوغلاننینک کورکلو اوصافیندان بیر شمّه وصف ایتتی ایسا57سلطان کولوب ایتی58شعر59غذیت بدرها ونشات عندی60فمن انباک انک ابن ذیب61اذا کان الطباع طباع سوء62فلیس بنافع ادب الادیب63یعنی بسلاندینک انینک سوتی بیلا دغی اولغایدینک منیم قتیمدا64بس کیم خبر بیردی سنکا کیم سن بوری اوغلی سن65قجان کیم بیر کیمسانینک بیتیشی یمان بولسا فایده قیلماس انکا ادب قیلغچی نینک ادبی66شعر67بوری نینک بلاسی بولور عاقبت68اتاسی کبی اول حرامی بوری69نیجا کوب ییدرسانک سنکا بیر کون اول70اورور زخم آندن سقینا بوری71القصه اول اوغلان اون بیش یاشینا ییتی ایسا72اول محله دا نی کیم ازعر نطاری بار ایدی برجاسی مونونک قتینا کیلدی لار73بیر کون اول اوغلان خلوتنا فرصت تابیب بو وزیرنی دغی ایکی اوغلینی اولتوردی74دغی مال و نعمت آلیب اول تاغ باشیندا غی حرامی لار مغاره سینا کیریب اتاسی ییرینا اولتوردی75بو خبر سلطانغا تکدی ایسا ایتی76شعر77یخشی قیلیج بولورمی هرکز یمان تمردن78یوماق بیلان کتارمی لونی قرا79یاوزغا ایکولوکنی قیلماقلیق ایلا درور بیل80خیر ایشلارا یمانلیق قیلماق بولورOldingi3-hikoyat: Pakana va dono shahzodaKeyingi5-hikoyat: Vazirning dono oʻgʻli